فرخة و ديك
أدبحني وطلع من الفِخاد بُفتيك
أعمل مني شاورما و كفتة و استيك
أعمل فتة لحمة راس بدقة خَل الله يخليك
أحشي مصراني رُز يطلع مُمبار مَلفوف شيك
أجمل من اللحمه الضاني والعجالى يا معاليك
أما الكرشة بحمص رِوشة و الله هتبقي فوتوجونيك
أسلق حمر أشوي وكَمر و العيش قَمر بالهنا و الشفا ليك
أما عني سيبك مني أنا ف عهدك مبسوط متهني
و بأدعي ربي ياخد من لحمي و دَمى و يديك
يا للي مالكش ف لحمي شريك
يا مدوب قلبى بسحر عينيك
جُمعة و سبت لك نفسي وَهبت
ما أحنا الفرخة و حضرتك الديك
0 تعليقات